طريقه عمل حمام الزيت أو الكريم

طريقه عمل حمام الزيت أو الكريم



ما هو  حمام الزيت وما هي الفائدة منه ؟

حمام الكريم هو  عملية تعويض الشعر عن فقد الحيوية واللمعان والمواد والفيتامينات اللي بيفقدها باستمرار .

فوائد عمل حمام الزيت أو الكريم

  • مفيد جداً لفروة الرأس
  • يحفز نمو الشعر
  • يغذي الشعر
  • يمنع تساقط الشعر 
  • يعمل علي زياده نمو الشعر 
  • يمنع تقصف الشعر 
  • يعمل علي تنشيط الدوره الدموية 

نصائح قبل البداء في عمل حمام الزيت او الكريم 

الفكرة الاساسية ليه اننا بندفي فروة الراس و نسخنها اثناء وجود الزيت عالشعر عشان تعززي امتصاص الزيوت و يكون اسرع لشعرك انه ياخد الغذا و الفيتامينات من الزيوت .

لازم قبل اي حاجه نسرح شعرنا ونعمل مساج بسيط عشان ننشط الدورة الدموية ف فروة الرأس ولازم الزيت يكون دافيء .

الصح انك تعملي للزيوت حمام ماية يعني تحطي الزيوت في طبق صغنن و تحطي الطبق الصغنن في طبق تاني كبير فيه ماية سخنة بحيث ان الماية السخنة هي اللي تسخن الزيت. مش عالنار .


خطوات عمل حمام الزيت او الكريم 

هناك اكثر من طريقة للبدء 
  1.  نبل صوابعنا بالزيت وندلك بيها فروة الرأس .
  2. نستخدم قطارة لتوزيع الزيت على فروة الراس .
  3. نضع الزيت في ازازة ببخاخ و توزعيه علي راسك .
لو هنستخدم القطرة يبقي هنوزع نقط ف كل فروة الرأس .
لو هنستخدم اطراف صوابعنا يبقي هنبل صوابعنا وهنوزع الزيت بالتدليك ف كل جزء ف كل الاحوال بعد ما هنوزع الزيت هنبتدي نعمل مساج .
و هنسرح شعرنا بالمشط (يفضل المشط الخشب طبعا) عشان نضمن ان الزيوت وصلت لكل الشعر و غلفته كله .

زي ما اتعودنا اننا بنحتاج البخار او السخونة عموما عشان الزيوت او الكريمات تخترق المسام و تبتدي تشتغل و تغذي الشعر .


يوجد طريقتين لتسخين الرأس .

  1. نحط بونية او كيس او استرتش بتاع الاكل ونلف شعرنا بفوطة سخنه .
  2. نلبس بونيه حراري لمدة مثلا 30 دقيقة .
  • بعد ما نسيب الزيت علي شعرنا الفترة المسموح لنا بيها ندخل بقي نغسل شعرنا بالشامبو .
  • هتاخدي حبة شامبو صغيرين وتخففيهم ب مية وتدلكي فروة الرااااس الراااااس مش شعرك  سيبي المية اللي فيها الشامبو تنزل علي شعرك من غير ما تدعكي شعرك .
  • بعد كده ممكن تحطي بلسم  نشفي شعرك بالراااااحة خالص
وكدا نكون خلصنا لو في اي استفسار ممكن نسيبه فكومنت .

0 التعليقات :

إرسال تعليق